全民退保，點會做唔到？

【全民退保，點會做唔到？】

全民退休保障理念好簡單：希望每個65歲以上長者，每個月都有$3500津貼，等佢地可以安享晚年。

每個老人家都要$3500，究竟錢喺邊度嚟？
等小麗話你聽，唔駛再怕林鄭語言藝術！

Youtube：youtu.be/v_-IG07g0AI
全民養老金學者方案網站：hkscholarspension.com

==========

每個老人家都要$3500，究竟錢喺邊度嚟？

專家就做咗多年推算，希望做到財政穩健。全民退保會有三條大水喉注資入水塘。第一條水柱係政府而家放1000億作起動基金，交由金管局喺經濟市場上做投資，希望每年都有2%利息增長；呢個預測係好保守，一定做得到。

第二條水柱，就係喺大財團身上加1.9%利得稅；第三條水柱，就係僱主僱員無需額外供款，將而家在投資市場蝕到喊嘅強積金供款，抽一半入水塘做集體投資。

現時人口老化高峰未到，擺入去嘅錢係遠遠多過支出；幾十年後人口老化高峰期，水塘入面將會滾存好多錢，足以應付需要。根據專家推算，去到2064年，全民退保基金依然會有1680億盈餘。到時人口老化已經消退，財政危機亦都會過去。

其實我覺得全民退保只由利得稅撥款係最理想做法，但對大企業暴利稅嘅加幅就將會去到4%。究竟大家接唔接受，值得討論。但無論如何，學者方案都係好穩健嘅選擇，希望大家支持！

#全民退保 #養老金 #學者方案 #小麗老師

---